沒有狗餅的狗店：給女士們，到底每年《FIFA》有乜分別？
上回曾經提到，一般女性唔會鍾意另一半掛住打機(或睇波)，亦唔明白男人為可會「成年都是玩同一款足球遊戲」，對她們來說都是「22個傻佬追住一個波」。若果男士們想解釋的話，不用說甚麼今集畫面點點點，又或者操作又點點點，女士們反而越聽越唔明(亦都唔想去明)，倒不如講得簡單一點，或者會是一條「出路」。
球員轉會
首先，其本上所有球會每年年中，亦即暑假也會賣買旗下球員(我知冬季都有，但呢點唔駛同女人講，OK？)，妳就當每間公司每年都會「炒人又請人」，亦即人事變動，OK？而《FIFA》(或《WE》)也會在每年10月推出新一集遊戲，而遊戲中每支球會其本上會「緊貼現實」的「人事變動」，所以對於男人來講都是一款全新的足球遊戲(即使又是踢波)。
女人或者會問，就算唔駛「緊貼現實」的「人事變動」都可以繼續玩上一代、上上一代、上上上一代，無錯，但男人就想要每支球會也「緊貼現實」的「人事變動」才好玩，玩得投入。亦即好多韓國愛情劇，來來去去都是個幾位男女主角(我真係唔識分，OK？)，劇情都是來來去去「死人生癌比車撞原來情人是兄妹乜乜乜」，但妳們一有新劇上就會繼續追看吧？
波衫
無錯，又是一個「緊貼現實」的問題，《FIFA》(或《WE》)中的球會，也會個「緊貼現實」更換波衫，又是這樣才好玩，才玩得投入囉。基本上妳唔屎嘗試去分邊一件係新波衫，男人自然會識分。
出氣
這個與「球員轉會」有點關係，男人們肯肯定是會捧至少一支球會或國家隊，妳都唔駛去明國家隊同球會之分。
當男人們的愛隊在現實中輸波時(尤其是敗於死敵)，他們總會在《FIFA》(或《WE》)贏返對方出氣，無錯，男人們在這方面是十分幼稚。另外，男人們的愛隊通常在該球季「四大皆空」，即是成每都無冠軍、無盃捧，始終捧盃得一隊，他們就偏偏追捧年年無冠的球隊。
所以男人們唯有在遊戲中幫愛隊贏得冠軍，所以，若果《FIFA》(或《WE》)不「緊貼現實」的話，他們會相當無癮。男人們就是喜歡在遊戲中尋找現實中未能達成的夢想( 寫完…我自己都打咗個冷震… )，妳由得佢啦，正如妳們也經常幻想自己是韓國愛情劇中的女主角囉。
網上對戰
亦有一班男人也喜歡在每一集《FIFA》(或《WE》)，與朋友在網上組隊，與世界各地的「高手」對戰。因基本上每個男人也會買新一集《FIFA》(或《WE》)，無人咁長情仲繼續玩上一代、上上一代、上上上一代，因此要與朋友在網上組隊，就要買新一集《FIFA》(或《WE》)。
順帶一提，當男人們與朋友們在網上組隊踢波時，妳千萬唔好問「今日有乜嘢同我分享」諸如此類等問題，男人們一定無心答妳，無謂囉！
送足球GAME比男人
如上文所講，每年《FIFA》(或《WE》)都會在10月左右推出新人集，但年份會寫下一年的，點解？唔好去問！其實呢，男人想買Game呢，都唔駛另一半送，尤其是《FIFA》(或《WE》)，唔識的話好易買錯。
總之，請信我，妳唔阻止，又或者俾丁點時間男人們打機，已經相當高興！
=============================================
GameShuttle HK專頁：