暴雪特約：爐石新手教學(一)

爐石呢一隻game博大精深，有好多新手想入「爐石」坑，可能都會唔知啲牌既「數值」啊、「專有名詞」啊，到底係講緊啲咩既… 亦因為咁而用左好多時間黎摸索而導致效率低下啊。

而今次小編就將會由零開始，為大家講下爐石一啲新手必知既野大家聽。

各樣數值既意義

英雄血量：

一個英雄正常黎講會係由30開始，被打到低於或姐等於0，果位玩家就會輸嫁啦！「白字」代表英雄係滿血，「綠字」則係滿血之餘仲有血量加成添！而「紅字」則係英雄處於受傷狀態。〈戰士可以利用受傷狀態黎觸發某啲特效〉

法力水晶：

位於手牌右邊既係玩家有既法力水晶，會由1開始每回合增加1粒，最盡一共可以有10粒。德魯伊職業仲可以提高水晶既獲得速度添！

英雄技能：

英雄既技能係角色圖像右手邊既按鍵，一般黎講都係耗費2點法力去使用1次(術士使用既係生命值而唔係法力。)

卡牌數值：

卡牌左上角有法力水晶做底圖既數字，代表呢一張牌係需要6粒法力水晶先可以召喚到出黎既手下。而卡牌左手面既5係代表該牌既「攻擊力」，而右邊則係「生命值」。亦如同英雄既生命值一樣，「白字」代表英雄係滿血，「綠字」則係滿血之餘仲有血量加成添！而「紅字」則係英雄處於受傷狀態。歸0時會死亡。

某啲新手容易唔明既卡牌特效

戰吼：

戰吼係一種手下被打玩家主動到場上後，會觸發一次既效果。如果手下係被動地俾其他特效拉到場上的話，果張牌既戰吼係唔會被觸發既。

死亡之聲：

死亡之聲係一種當果名手下死左之後會發生既特效

激勵：

當英雄用左英雄技能之後就會觸發既特效，而特效既內容則因唔同既手下而異。

衝鋒：

正常手下被打出都要等下一個回合先可以攻擊，但衝鋒既手下係只要打到場上或姐係被動拉到場上，都可以直接進行攻擊。

狂怒：

狂怒係一種手下受傷後觸發既效果，處於狂怒既手下會被動增加攻擊力，而加幅就因手下而異。但假如手下被治療至滿血狀態，狂怒效果就會消失。

潛行：

處於潛行狀態中既手下，唔能夠被敵人指定，亦代表對方係極難清除果名手下。但處於潛行狀態既手下只要展開攻擊，潛行就會失效。

發現：

發現係一種可以發現3張卡牌，再俾玩家3選1既特效黎。而發現到啲咩，亦係因應唔同既手下而異。

嘲諷：

如果場上有嘲諷既手下，對方既手下或姐係英雄就必須攻擊有嘲諷既手下。

聖盾：

給予手下免疫一次攻擊既機會。

演化：

演化係一種隨機3選1既效果，而總效果係有10個之多，包括：

攻擊+1 / 生命+1

致命劇毒

潛行一回合

聖盾

風怒

嘲諷

無法被英雄技能或法術指定

+3 生命值

+3 攻擊

死亡之聲：召喚兩個1/1的植物

致命劇毒：

有致命劇毒既手下，對其他手下造成傷害時，果個手下會立即死亡。例如火占師被演化出致命劇毒，咁火占師被動效果傷害到既手下，就會全數死亡。〈聖盾可以擋致命劇毒既攻擊。〉

風怒：

一回合可以攻擊2次〈V-07-TR-0N既超級風怒可以攻擊4次。〉