《爐石戰記》Best of Hong Kong W1 冠軍牌組介紹-中速聖

大家好,今日會繼續為大家講解上星期贏左第一個星期《 爐石戰記 》Best of Hong Kong比賽嘅選手阿Kin嘅牌組-中速聖。

牌組配置

阿Kin呢套牌組相當有趣,同佢對戰嘅對手好有可能會比佢一開始鋪場嘅情況呃到,因為佢開幕起手嘅大部分卡牌都係魚人為主嘅,喺情況許可下有機會只需要用前段嘅魚人攻擊套路就可以將對方收頭,而Kin嘅呢個設計,亦都會令對手焦點重心放左喺思考點樣處理佢嘅魚人,將佢嘅速攻攻勢打壓。但咁樣正正落入左Kin嘅戰術套路入面,其實佢呢套牌組並唔係單靠魚人「無腦衝面」嘅,魚人只係其中一個攻擊手段,各種手下同法術牌間嘅能力配合先係呢套卡牌嘅精髓之處。

水晶線來講呢套牌組可謂相當之平均,低費高費嘅卡牌平均卡牌、逆風嘅情況唔太容易出現,Kin更在比賽中曾順利以一系列嘅順風式魚人鋪場攻擊打出T6 Kill擊敗對手。而呢套牌組由於魚人只喺算其中一種嘅套路,所以大大減低左一般快攻牌組對上有大量AOE或者嘲諷系手下牌組嘅尷尬情況。
大家可以喺牌組列表中睇得到,基本上除左增強手下強度嘅王者祝福劍龍騎術之外就再無其他法術牌,一般聖騎牌組嘅主流解場法術卡組合-一視同仁奉獻都無放入牌組,而且一啲補牌手段嘅卡牌如憤怒之錘神恩術等都無落,選擇左以純手下硬解,呢個想法其實都相當有趣。除此之外,武器方面亦都放棄左一般擁有回血能力,攻擊力不錯嘅真銀勇士劍,而選擇振奮之刃。希望可以令擁有六張聖盾術嘅手下得到更完美嘅發揮,往往最唔起眼嘅正義保衛者會成為一個不錯嘅輸出手段;傳說手下維克弗烈‧燃鬃亦有可能得到一個小加強可以幫英雄回到3點嘅血量呢!

卡牌組合分析
Kin呢套牌嘅變化真係非常多,屬於一套可以應對大部分Meta嘅賽場牌組。
小編呢度唔再曬版位同大家分析魚人手下嘅組合,相信大家都唔會陌生。小編想提嘅係加攻加防效果嘅應用。

首先要講嘅係奪屍者維克弗烈‧燃鬃。兩款手下都有生命竊取,配合王者祝福劍龍騎術鈷藍逆鱗龍人骸骨戰馬等擁有加攻的能力效果嘅卡牌,往往可以回復大量嘅英雄血量,對於減低左被速攻或者打臉迅速斬殺嘅機會。

另一方面,守日者塔林姆風暴看守者,亦都成為左牌組入面一個唔錯嘅攻堅手。守日者塔林姆除左可以消除左對方有加攻或成匹類手下嘅壓力之外,屬有3/7身材嘅佢往往喺後期會帶來意想不到嘅驚喜。大家可以試諗一下,當對方正積極咁清除你場中嘅魚人或者大怪,因為守日者塔林姆嘅血量偏高、但攻擊力不高嘅情況下被視為次選清除嘅對像時,你下一個回合打出劍龍騎術再配合瘋狂的錬金師一口氣打出13點傷害嘅情況;又或者風暴看守者突然被骸骨戰馬王者祝福等加強能力,一瞬間打出十幾點,甚至一口氣清空對方血量嘅情況。對方絕對唔會想象得到一套本身係魚人速攻牌組竟然可以將斬殺線推高。給對手一個意想不到的驚喜!

小編小意見

小編睇完Kin嘅呢副牌組其實都感覺到幾新奇,雖然大家可能會覺得卡牌分佈比較鬆散,有啲本身能輕易打出嘅聖騎攻擊組合可能反而難出咗。但大家要注意一點,就係呢一副牌組並唔係一套爬天梯嘅卡牌,而係一套不折不扣嘅「賽場Deck」。能夠可以打出多變嘅戰術、能夠做到迷惑同蒙騙對手,又或者可以盡量應對到更多類型嘅牌組,呢幾點先係此牌組嘅價值所在。而如果要小編提供意見嘅話,小編會考慮放棄武器同針對海盜嘅葛拉卡爬行蟹而換入多張劍龍騎術或者補牌手段嘅卡,增強一下濾牌同增加組合手段嘅機會。

 

Sending
User Review
0 (0 votes)

相關文章

發表迴響

你的電子郵件位址並不會被公開。 必要欄位標記為 *

Back to top button
Close